IKEA 真人示範的 Product Menu

我諗大家都試過手執一張好精簡的裝嵌說明手冊，然後無奈地望住個件砌極都砌唔到的傢俬。

好彩宜家傢俬都知道這一點，製作左一系列的 YouTube 教學視頻俾大家可以好方便咁係 iPad或者iPhone邊睇邊自救。

第一條推出的video是4分半鐘的床架裝嵌教學視頻，輕鬆的節奏好清楚地將每個現實生活中的細節操作起來，再加上片中彈出來的溫馨提示，好似有個 IKEA 職員喺旁邊不停砌俾你睇咁，非常好service。

當你知道很多顧客都有相同問題的時候，最佳的方法就是及早提供貼心而又 user friendly 的方案，減少不必要的投訴又可以避免傢俬貨品俾客人砌爛左要求更換。

其實只要細心地去思考 Customer Service 同事們每天所面對的顧客問題，就有機會將問題轉化成為 Social Media 裡的寶貴 Content。