4.05.2016

Burger King 明張目膽地調戲網友


Burger King 97年因虧損離開法國市場,幾年前又眾望所歸,在巴黎捲土重來。兩年內 Burger King 迅速地擴張了50間餐廳,並在裝修期間,在餐廳外面的圍板公然調戲法國網民。親民得來,有幽默感,面對行業老大更不失霸氣。




最後幾日去我地競爭對手 (暗指麥當勞) 的機會到了。




網友:聽住呀,  如果 Burger King 嚟呢度開餐廳,我就請所有人食套餐。
Burger King:好彩冇人睇到呢塊印咗你個 post 的牆。




網友:當我做咗法國總統,我就將 Burger King 開喺布賴斯特。
Burger King:你好,我地嚟咗啦,而家等緊你做總統。




網友:等到 Burger King 喺里昂開舖果日,雞都出牙啦。
Burger King:畀個建議你,千祈唔好隨便預言。




網友:Hey,未到中午12點就成間鋪都係人,快啲開多間啦。
Burger King:哈哈,為咗等你開心啲,我地就係度再開一間吧,睇到未?





網友:我就係想 post 啲無聊的內容,等畀 Burger King 印喺牆上,然後我就可以出名啦。
Burger King:唔好意思,我地都想幫你出名,可惜你個名好矇啊。



識得將「真.共鳴」放入「真.廣告」,成功接地氣,其實幾時都係最聰明的玩法。只要你平時做人有關公,並且預先管理好消費者的期望,令大家有個明確又好玩的參與目的。好的 campaign 自然會來。


內容來自:英數網 DIGITALING




1 則留言:

Related Posts Plugin for WordPress, Blogger...